دانشگاه ازاد ممسنی الکتروتکنیک

 کسي حال کسي ن ايپرسه يـا نه
 رياست خانقلي خان قرصه يا نه؟

 يه نامه ي دادي و کـردي خرابم
 وري تاوه ي تيت کـردي کبابم

 چه وابيــده که نامه ت بو غم ايده ؟؟؟
 اول تـا آخرش بـو ماتم ايده !!!

گمون کردم کـه مهلي رو به رايي
 کنيزي نيکني خـوت شامرايي

 دلم نيخو کـــه دلتنگ مو وابي
 کلــو وابي و همرنگ مو وابي

 يه دف ايگي که لهري بـو نداره
 کمش خاليه شــوم شو نداره

 يه روز ايگي که من باغـم بلي ني
 يه شو ايگي که من پيلم تلي ني

 پسين ايگي که تش چالي مو کوره
 صباش ايگي که زن حالوت بوره

 يه روز ايگي که حوض هونه خشکه
 يه دف ايگي تويزه م چال مشکه

 يه گي ايگي که پازن تير خرده
 تيي ميمينه هف من فير خـرده

 تو فکر حال و پال سال خــوت بو
 وه فکر کهره ي کرچال خـوت بو

 مگُ جونــــم سرو من مال نيسي
 علف ســي کهره کرچال نيسي

 مفرما ،گــانُ، گرگش لاتنـــاده
 کمــر نوبنـــد کفتار اشکناده

 تو ايگي ، دُز، ولاتـــه داده دم باد
 توهم مث مو دروکن،داد بي داد!

يکي نيسي بگــــو مه تو پليسي
 کو حالو مه تو "چن "سر ره دريسي؟

 تو فکر حال و پال سال خــوت بو
 وه فکر کهره ي کرچال خـوت بو

 تش و تنگــــي اگر کوره جهنم
 اگر سگ بي رووه جوره وه جهنم

 جهنــــم، ار يه دار سوز نيسي
 درک، ار ماهيي من حوض نيسـي

 درک، ار بزگــري وابي وه پازن
 شل و کـــور و کلو، وابي نهازن

 مو دلتنگ تونم ؛يعني تـونَ ايخوم
 بيو پلتــــه بپيچن دور ني خم

 وري ملکيت اگر تنگه، لچش کــن
 زمهسونِ، وه شلغم دلته خش کــن

 بوين دنيا چقر خــــوب و قشنگه
 همي جا خنديه، شهر فرنگه

***
تو هوشابنگ حال احوال خــوت بو